မြန်မာဗျည်း ၃၃-လုံး ဖြစ်ပေါ်လာပုံ

မောင်ခင်မင် (ဓနုဖြူ)

======================

မြန်မာဗျည်း ၃၃-လုံး ဖြစ်ပေါ်လာပုံအကြောင်း ပြောရာမှာ ဗျည်းရော သရရော မြန်မာအက္ခရာ ဘယ်လိုဖြစ်ပေါ်လာတယ်ဆိုတာက စပြောဖို့လိုမှာပေါ့။ မြန်မာအက္ခရာဟာ အိန္ဒိယနိုင်ငံမှာ ဘိစီ ၅၀၀-လောက်က ၇၀၀-ကျော်အထိ ထွန်းကားခဲ့တဲ့ ဗြာဟ္မီ (Brahmi) အက္ခရာက ဆင်းသက်လာကြောင်း ပညာရှင်တွေက မိန့်ဆိုကြတယ်။ ခရစ်နှစ်ဦးပိုင်းလောက်မှာ အိန္ဒိယနိုင်ငံသားတွေ အရှေ့တောင်အာရှကို သင်္ဘောကြီးတွေနဲ့ ရွက်လွင့်လာ ရာမှ ဗုဒ္ဓဘာသာ၊ ဟိန္ဒူဘာသာ၊ အက္ခရာ၊ နီတိကျမ်း၊ ဓမ္မသတ်ကျမ်း စတဲ့ ယဉ်ကျေးမှုတွေပါလာပြီး အရှေ့တောင်အာရှ နိုင်ငံတွေမှာ ထွန်းကားတာပါ။ အဲဒီအက္ခရာဟာ မွန်လူမျိုးတွေဆီ အရင်ရောက်ပြီး အဲဒီကမှတဆင့် မြန်မာတွေဆီရောက်တယ်။ မြန်မာတွေက အဲဒီအက္ခရာတွေကို မြန်မာစကားသံတွေနဲ့ အံဝင်ခွင်ကျဖြစ်အောင် လိုအပ်သလို မွမ်းမံအသုံးပြုရာက မြန်မာအက္ခရာ ပေါ်ပေါက်လာတယ်လို့ ယူဆကြပါတယ်။
မြန်မာအက္ခရာဆိုရာမှာ ဗျည်းရော၊ သရရော ပါ၀င်ပါတယ်။ ဗျည်းတွေကို အမည်ပေးပုံက စိတ်ဝင်စားစရာ ကောင်းပါတယ်။ ဘယ်တုန်းကစပြီး ကကြီး-ခခွေး-ဂငယ်-ဃကြီး-စတဲ့အမည်တွေ ပေးတာလဲလို့ စဉ်းစားကြည့်ရင် မြန်မာအက္ခရာတွေကို ပေရွက်ပေါ်မှာ ကညစ်နဲ့ အဝိုင်းပုံရေးတော့မှ ဖြစ်လိမ့်မယ်လို့ ဆိုချင်ပါတယ်။ ကျောက်စာ စရေးထိုးတဲ့ ပုဂံခေတ်တုန်းကတော့ ခုလို ဝိုင်းဝိုင်းစက်စက် မဟုတ်ကြောင်း ပုဂံကျောက်စာတွေကိုကြည့်ရင် သိနိုင်ပါတယ်။ အဲဒီတုန်းက ကျောက်ပေါ်မှာ ဆောက်တို့၊ ဘာတို့နဲ့ ထွင်းရတာမို့ လေးထောင့်ပုံတွေ ထွင်းတယ်၊ မဝိုင်းသေးဘူး။ ဝ-ဝ ကလေး ဝိုင်းဝိုင်းရေး-လို့ ပြောလို့မရသေးဘူး။ 
ပေပေါ်မှာရေးတော့ လေးထောင့်ရေးရင် အဆင်မပြေဘူး။ ပေရွက်အကြောတွေ စုတ်ပြတ်နိုင်တယ်။ 
အဝိုင်းရေးတော့ ပိုအဆင်ပြေတယ်။ အဲဒီလိုအဝိုင်းရေးတဲ့ခေတ်ရောက်မှ ဗျည်းတွေရဲ့ ပုံသဏ္ဌာန်ကိုကြည့်ပြီး အမည်ပေးတာပါ။ ဒီတော့ မြန်မာဗျည်းတွေဟာ မဝိုင်းခင်တုန်းက ကကြီး-ခခွေး စတဲ့ အမည်တွေ မရသေးဘဲ က-ခ-လို့ပဲ ခေါ်လိမ့်မယ်ထင်တယ်။ ဗျည်းတွေကိုအမည်ပေးရာမှာ ဂုဏ်အရည်အသွေးအရ အမည်ပေးတာရော၊ ပုံသဏ္ဌာန်အရ အမည်ပေးတာရော တွေ့ရတယ်။ ကကြီး၊ ဃကြီး၊ ဏကြီး၊ ဠကြီး ဆိုတဲ့ အက္ခရာလေးလုံးကို ကြီးလေးလုံး-လို့ခေါ်ကြတယ်။ အဲ ဃကြီး၊ ဏကြီး၊ ဠကြီးတို့မှာတော့ ဂငယ်၊ နငယ်၊ လ(ငယ်) ဆိုတဲ့ အတွဲတွေ ရှိတယ်မဟုတ်လား။ ဒါကြောင့် အကြီးအငယ်ခွဲပြီး အငယ်တွေထက် အရွယ်ပမာဏကြီးတဲ့ အက္ခရာတွေကို ကြီး-ထည့်ပြီး ခေါ်ကြတာပေါ့။
ကကြီးကျတော့ ကငယ် မရှိဘဲ ဘာဖြစ်လို့ ကကြီးလို့ခေါ်ရသလဲလို့ မေးစရာပေါ့။ ဗျည်း ၃၃-လုံးမှာ ရှေ့ဆုံးက ခေါင်းဆောင်ဗျည်းဖြစ်လို့ ကကြီးလို့ ခေါ်တယ်လို့လည်း ယူဆကြတယ်။ ၃၃-လုံးမှာ အကြီးဆုံးပေါ့။ ပုံသဏ္ဌာန်က ဂငယ်ထက် ၂-ဆ ကြီးနေလို့ ကကြီးလို့ခေါ်တယ်လို့လည်း ဆိုကြတယ်။ ပုံသဏ္ဌာန်အရ အမည်ပေးတဲ့ဗျည်းတွေကို ကြည့်ပါ။ 
ခွေခွေကလေးနေလို့ ခ-ခွေး၊

လုံးလုံးကလေး နေလို့ စ-လုံး၊ 

လိမ်ခွေနေလို့ ဆ-လိမ်၊ 

အောက်ကွဲနေလို့ ဇ-ကွဲ၊ 

ဘေးကမျဉ်းဆွဲထားလို့ စျ-မျဉ်းဆွဲ၊ 

ရင်ကလေးကောက်နေလို့ ဍ-ရင်ကောက်၊ 

၀မ်းပူနေလို့ တ-ဝမ်းပူ၊ 

အငယ်အထွေးလေးဖြစ်လို့ ဒ-ဒွေး (ဒထွေး)၊ 

အောက်ပိုင်းကခြိုက်(ချိုင့်) နေလို့ ဓ-အောက်ခြိုက်၊ 

မတ်မတ်စောက်စောက်ရှိလို့ ပ-စောက်၊ 

အထက်ပိုင်းကခြိုက်(ချိုင့်)နေလို့ ဗ-ထက်ခြိုက်၊

ကုန်းနေလို့ ဘ-ကုန်း၊

ပက်လက်လန်နေလို့ ယ-ပက်လက်၊ 

အဖျားက ကောက်နေလို့ ရ-ကောက်-ဆိုပြီး 

ပုံသဏ္ဌာန်အရ အမည်ပေးတာ တွေ့နိုင်ပါတယ်။ 
အက္ခရာတချို့ရဲ့ အမည်တွေက ပုံသဏ္ဌာန်ကို ရိုးရိုးဖော်ပြတာမဟုတ်ဘဲ ပုံသဏ္ဌာန်တူတဲ့ အရာဝတ္ထုတွေနဲ့ ခိုင်းနှိုင်းအမည်ပေးတာဖြစ်ပါတယ်။ ရှေးကသုံးတဲ့ သံလျင်းလို့ခေါ်တဲ့ ထမ်းစင်မှာပါတဲ့ ချိတ်လေးကို ကောက်ကောက်ကလေးမို့ ဋ-သံလျင်းချိတ်၊ ဝမ်းဘဲနဲ့တူလို့ ဌ-ဝမ်းဘဲ၊ ရေမှုတ်နဲ့တူလို့ ဎ-ရေမှုတ်၊ ဆင်ရဲ့ခြေထောက်ကို ခတ်ရတဲ့ ထူးလိုအကွင်း ၂-ကွင်းပါလို့ ထ-ဆင်ထူးလို့ ခေါ်ကြောင်း တွေ့နိုင်ပါတယ်။ 
င-မ-ဝ-သ-ဟ တို့ကိုတော့ အမည်မပေးတာ တွေ့ရပါတယ်။ ည-ယ-လ တို့ကိုတော့ သာမန်အားဖြင့် အမည် မပေးပေမယ့် လိုအပ်တဲ့အခါ ညကြီး၊ ယပက်လက်၊ လ(ငယ်)လို့ အမည်ပေးပါတယ်။ ဉ ကို ဉ ကလေး၊ ည ကို ညကြီးလို့ ခွဲခြားခေါ်ပါတယ်။ မြန်မာဗျည်း ၃၃-လုံးမှာ ည(ညကြီး) ပဲပါတယ်။ ဉ (ဉ ကလေး) ကိုတော့ အသတ်အက္ခရာအဖြစ်ပဲ သုံးတယ်။ သံယောဇဉ်တို့၊ ဝိညာဉ်တို့၊ အစဉ်အမြဲ-တို့မှာ သုံးသလိုပေါ့။ ဒီနေရာမှာ ပါဠိဘာသာမှာသုံးတဲ့ ညနဲ့ မြန်မာဘာသာမှာသုံးတဲ့ ညကို ခွဲခြားမှတ်ရမယ်။ ပါဠိဗျည်း ၃၃-လုံးမှာ ည မသုံးဘူး။ ဉ ပဲသုံးတယ်။ ဒါကြောင့် ပုည ကို ပုဉ်+ဉ လို့ အသံထွက်ရတာပေါ့။ ရှေ့က ညကို အသတ်အသံထွက်ရတယ်။
/ပုန်+ညာ့/လို့ အသံထွက်ရတာပေါ့။ ဒီလိုပဲ ပညာ/ပဉ်+ဉာ/ပျင်ညာ။ သုည/သုဉ်+ဉ /သုန်ညာ့၊ လို့ အသံထွက်ရတယ်။ အချုပ်အားဖြင့် ပါဠိမှာ ညဟာ ဉ ၂-လုံးတွဲဖြစ်တယ်။ ဉ ရော၊ ညရော သုံးတယ်။ မြန်မာမှာတော့ ညကြီး ဉ ကလေးလို့ ခွဲသုံးတယ်။ ဗျည်း ၃၃-လုံးမှာ ညကြီးသုံးပြီး အသတ်မှာ ဉ သုံးတယ်လို့ ခွဲခြားမှတ်သားနိုင်ပါတယ်။ မြန်မာစာမှာ ဉ နဲ့ ဥနဲ့ ရောထွေးတတ်တယ်။ ဉ (ဉ ကလေး) က ခြေထောက် ရှည်တယ်။ ဥ (ဘဲဥ၊ ကြက်ဥ-မှာပါတဲ့ အက္ခရာ ဥ) က ခြေထောက် တိုတယ်။ ယပက်လက်ကို ရကောက်နဲ့ ယှဉ်ပြီး ယပက်လက်လို့ ခွဲခြားခေါ်တယ်။ 
ရှေ့က ရကို ရကြီး၊ ယကို ယငယ်လို့လည်း ခွဲခေါ်သေးတယ်။ ရကြီးနဲ့ ရငယ်ပေါ့။ လကိုလည်း ဠနဲ့ ယှဉ်ပြီး လငယ်လို့ ခေါ်နိုင်ပါတယ်။ အက္ခရာအမည်တွေနဲ့ပတ်သက်ပြီး ပြောစရာတခုက ဓအောက်ခြိုက်ကို အောက်ကချိုင့်နေလို့ ဓအောက်ခြိုက် ခေါ်တယ်ပြောပြီး ရေးတော့ အောက်က မချိုင့်ပါလားလို့ မေးစရာရှိတယ်။ ပုဂံခေတ် ကျောက်စာတွေမှာ စရေးတုန်းက ဓဟာ အခုလို အောက်က ပိတ်မနေဘူး။ ဗ စောက်ထိုးရေးသလို အောက်ကချိုင့်နေတယ်။
( ဗထက်ခြိုက် ပြောင်းပြန်ပုံစံမျိုးပေါ့။) စျ (စျမျဉ်းဆွဲ) ကို စလုံးယပင့်-ဆိုပြီး မှားသင်တဲ့ ဆရာမကလေးတွေ ရှိတယ်လို့ ကြားရတယ်။ 

စျ ဟာ မူလအက္ခရာမှာ သီခြားပုံသဏ္ဌာန် ရှိပါတယ်။ 

စလုံးကို ယပင့်ထားတာ မဟုတ်ပါဘူး။ ဘေးက မျဉ်းဆွဲထားလို့ စျမျဉ်းဆွဲ ခေါ်တယ်လို့ မှတ်သင့်ပါတယ်။ ကဲ ဒီလောက်ဆိုရင် ပြည့်စုံပြီထင်ပါတယ်။ 
ကိုးကား ။ ။ မောင်ခင်မင် (ဓနုဖြူ) (မင်္ဂလာမောင်မယ် ၂၀၁၀-ဒီဇင်ဘာလ)

ဆရာဦးအောင်သင်း အပိုင်း(၄၀)

ဒီရက်ပိုင်း အလုပ်ရဲ့ ပရက်ရှာတွေ၊ မိသားစု အခက်အခဲတွေ၊ အားလုံးက က တပြိုင်နက် ဝိုင်း တွယ်ခံနေရတော့ လူလဲ စိတ်ဓာတ်တွေကျပြီး မျော့မျော့ဘဲရှိတော့တယ်ဗျို့. .
 စာရေးဖို့ လဲ အချိန်မရ . .အလုပ်ကလဲ Hand Over အချိန်ဖြစ်နေလေတော့ ညဆိုင်းဖြစ်လိုက်နေ့ဆိုင်းဖြစ်လိုက် နဲ့ အတော်ခံစားလိုက်ရပါသဗျာ

  

သို့ပေမယ့် အဖေ့ အကြောင်းကို ရေးမယ် လို့ တာဝန်ကြီးတစ်ခုလို ယူထားမိလေတော့ ကျွန်တော် သိသလောက် ပြီးဆုံးသည်အထိ တော့ ရေးမှ ဖြစ်မယ်ဆိုတဲ့ အသိလေးနဲ့ ဘဲကိုယ့်ဖာသာကိုယ် အားတင်းပြီး သကာလ .. .တယ်လီဖုန်းကို ဆွဲကိုင်. . စာရိုက်ဆရာ တာဝန် ပြန်လည် ထမ်းဆောင်မိသည့်အကြောင်း အဖေ့အကြောင်းစောင့်ဖတ်နေတဲ့ ပရိသတ်ကြီးကို အစီရင်ခံအပ်ပါသည်ခင်ဗျား. . .
 ပထမ တော့ အထင်ကရမှတ်မိနေခဲ့တဲ့ ကျွန်တော်နဲ့ အဖေ့အကြောင်းလေးရေးမလို့ဗျ. . သို့ပေမယ့် ပြီးခဲ့တဲ့ အပိုင်း မှာ ရေးခဲ့တဲ့ အဖေ ပြောနေကြ အရသာရှိတဲ့ အက်ဆေး လေးနှစ်ပုဒ် ကို ပြီးအောင် ပြန်ရေးပြတာ ပိုပြီးအဓိပ္ပယ် ရှိမယ်ထင်လို့ အဖေပြောလေ့ရှိတဲ့ ဒုတိယ အက်ဆေးလေး ကိုဘဲရေးလိုက် ပါရစေခင်ဗျား. . 
အက်ဆေးလို့ ပြောပေမယ့် တကယ်တန်း က ဝတ္ထု တိုဖြစ်ဖို့ များပါတယ်. . . ကျွန်တော် အမှတ်မှား နူတ်ကျိုးနေခဲ့လို့ပါ. 

ကိုယ်တိုင်ဖတ်ဖူး ခဲ့ခြင်းမရှိသလို ဘယ်ကဝတ္ထု တိုမှန်းလဲမသိခဲ့ပါ. . . . စင်ပေါ်က အဖေ ပြောပြ ချိန်မှာ အရသာ ရှိလွန်းလို့ကြားဖူးပြီး မှတ်မိနေတဲ့ အကြောင်း အရာလေးပါခင်ဗျား. .

ကဲ. . . 

အဖေရဲ့ ဒုတိယ ပြောပြလေ့ရှိတဲ့ ဝတ္ထု တို ကလေး . .ကိုပြောပြပါရစေ. . 

 

တရံရော အခါ က တကယ့် ဆိုးပေ့မိုက်ပေ့ဆိုတဲ့ သူတွေကိုသာထားတဲ့ အကျဉ်းထောင်ကြီးတစ်ခုရှိပါသတဲ့. .
 အဲ့ဒီ့အကျဉ်းထောင်ထဲ မှာဘဲ အဆိုးဆုံး ဆိုတဲ့သူတွေကို ထပ်ပြီး သီးသန့် ထားရပါသတဲ့ . . အဆိုးတကာ့အဆိုးဆုံး၊ ထောင့်တစ်သက်လွတ်ရက်မရှိတော့ တဲ့သူမျိုးများကိုသာ စုပြီးထားခြင်းဖြစ်လို့ အင်မတန် အန္တရယ်ကြီး သလို ..

 သူ့အသက်လဲ အသက်မထင်၊ ကိုယ့့်အသက်လဲ အသက်မထင်တော့ တဲ့ သူတွေသာ ဖြစ်ကြပါတော့သတဲ့

. .

 အဲ့ဒီ့အဆိုးတကာ့အဆိုးဆုံးတွေ စုထားတဲ့ အထဲမှာ မှ အမိုက်ဆုံး အကြမ်းတမ်းဆုံးကောင်ကြီး တစ်ယောက်က တန်းစီးလိုမျိုးဖြစ်နေပြီး . . ဘယ်သူမှ ထိန်းလို့မရတော့တဲ့ သူတွေကို အဲ့ဒီ့ တန်းစီးလူမိုက်ကြီး ကဘဲ ထိန်းမှဘဲ ရပါသတဲ့. .. 
အဲ့ဒီ့အဖြစ်အပျက်ဖြစ်နေဆဲမှာ ဘဲ. . ကျန်းမာရေး သုတေသန အဖွဲ့ တစ်ခု က ဆေးအသစ်တစ်မျိုးကိုတီထွင်နေပါတယ် .တီထွင်တဲ့ဆေး အမျိုးအစားကတော့ ကျောက်ရောဂါ၊ပုလိပ်ရောဂါလိုမျိုး ဆန်ဆန်. . . ကပ်ရောဂါ တစ်မျိုးကို ခု ခံကာကွယ်နိူင်တဲ့ antibiotic ပိုသတ်ဆေး အမျိုးအစားဖြစ်ပြီး . ယခင်ကတည်းက ဒီလိုကူးစက်ရောဂါမျိုးဖြစ်ပြီဆိုရင် .လူတွေအတွက် အင်မတန် အပျက်အစီးများ၊စေခဲ့ဘူးတဲ့ သာဓကများစွာရှိ ပါသတဲ့. . 
သို့သော်. . . ဆေးတီထွင်ပြီးချိန်မှာ.ဒီကပ်ရောဂါ အမျိုးအစား ဖြစ်နေသောနေရာ. . ဖြစ်နေသောသူတွေ မရှိတဲ့ အချိန်ဖြစ်နေပါသတဲ့..
ဆေးသုတေသန ကတော့ စမ်းသပ်ခန်းမှာ ကြွက် ၊ ပူး၊ ယုန်၊ မျောက်၊ နောက်ဆုံးမြင်းအထိ စမ်းသပ်ပြီးပျောက်အောင်ကု နိူင်ခဲ့သော်လဲ. . လူ ကို စမ်းဖို့အတွက် လူနာမရှိဘူးဖြစ်နေပြန် ၊ သာမန်လူ ကို စမ်းသပ်ဖို့ မဖြစ်နိူင်ပြန်သောကြောင့် အကြပ်တွေ့နေကြပါသတဲ့ . . ဒါ့ကြောင့် . . ဒီဆေးကို အောင်မြင်ပြီလို့ လုံးဝ အာမ. မခံနိူင်၊မထုတ်လုပ်နိူင်ဘဲ ဖြစ်နေကြပါသတဲ့
. .ဒါနဲ့ သူတို့ ရဲ့ အခက်အခဲ ဖြစ်နေခြင်း ကို အကြောင်းစုံ ဖွင့်ပြ ပြီး အကျဉ်းဦးစီး ဌာန ကို အကူ အညီတောင်းတဲ့ အခါ.. . . နောက်ဆုံး အကျဉ်းဦးစီးဌာနက လက်ခံပြီး. . ထောင်တစ်သက်လွတ်ရက်မရှိတော့တဲ့သူတွေ ကို ကြေငြာချက်တစ်ခုထုတ်ပြန် ပေးတဲ့ အဆင့့်အထိရောက်လာပါသတဲ့. ခင်ဗျား. . 
အဲ့ဒီ့အကျဉ်းသားတွေကို ကြေငြာပေးလိုက်တဲ့ အချက်တွေကတော့

 

ပထမဆုံး ဒီကပ်ရောဂါ အကြောင်း၊ဒီဆေးတီထွင်မှူ့ အကြောင်း ပူး၊ ကြွက်၊ ယုန် ၊မျောက် နောက်ဆုံး မြင်းအထိ စမ်းသပ်အောင်မြင်ပြီးပြီဆိုတဲ့အကြောင်း. . နောက်ဆုံး. လူကိုစမ်းသပ်ဖို့တစ်ခုဘဲ ကျန်သည့်အကြောင်း. . ဒီဆေးအောင်မြင်သွားခဲ့ရင် လူသားတွေအတွက် အင်မတန် အကျိုးရှိမှာဖြစ်တဲ့အကြောင်း. 
ဒါကြောင့်မို့ . ဒီဆေး ကိုအကျဉ်းသားထဲက မည်သူမဆို စိတ်ဝင်စားခဲ့ရင်လူသားတွေအတွက် ကောင်းမှူ့ ကုသိုလ် အဖြစ် ဝင်ရောက် အစမ်းသပ် ခံနိူင်ကြောင်း၊ ဆေးက အောင်မြင်ဖို့ များကြောင်း. . သို့သော် ဆေးက မအောင်မြင်လို့. အဆင်မသင့်ရင်လဲ သေသွားနိူင်ကြောင်း၊ မည်သို့ပင်ဆိုစေ စိတ်ကြိုက်ရွေးချယ်ခွင့် ရှိကြောင်း. . 

ကြေငြာပြီး. . 

နောက်ဆုံးမှ အကယ်၍ ဆေး ကအောင်မြင်ခဲ့လို့ အသက်ပြန်ရှင်ခဲ့တယ် ဆိုရင်တော့. .ကျေးဇူး တုန့့်ပြန်တဲ့အနေနဲ့. . . အမဲသားတစ်ဗူး. .စီးကရက်နှစ်ဗူး လက်ဆောင်ပြန်ရမယ်လို့ ကြေငြာစေပါတယ်.  
နှစ်ရှည်လများအကျဉ်းကျ ခံထားရတဲ့သူတွေအဖို့ အမဲသားကို သိပ် စိတ်မဝင်စားလှသော်လဲလုံးဝမမြင်ရတာကြာပြီ ဖြစ်တဲ့ စီးကရက်ဆို တဲ့ အသံကြားချိန်မှာ အားလုံး ပါးစပ်တပြင်ပြင် နဲ့ သွားရည် ယို မိကြပါသတဲ့ . . သို့သော်ပေးရမယ့်အရင်းအနှီးက များလွန်းတော့ လူအတော်များများ တွန့်နေကြချိန်မှာ… 
တကယ့်သေမထူးနေမထူး လို့စိတ်က ခံယူ ထားသူ . . တန်းစီး လူမိုက်ကြီးအပါအဝင် ၁၅ ယောက်လောက်ကတော့ အစမ်းသပ်ခံမယ် ဆို ပြီး . .စာရင်းပေးကြပါသတဲ့
ဒါနဲ့ ဘဲ ဆေးတီထွင်သူတွေက အစမ်းသပ်ခံအကျဉ်းသားတွေကို စတင်ရောဂါပိုးထိုးထည့် ပေးလိုက်ပြီး ရောဂါဖြစ်သည်အထိ စောင့်ကြည့် ၊ ရောဂါကြောင့် အကျဉ်းသားတွေလဲ လူးလှိမ့်နေအောင်ခံနေရချိန်၊ရောဂါ ဖြစ်ပွား တာသေချာချိန်ကျ မှ စတင်ပြီးဆေးကု ၊ လူနာတွေရဲ့တိုးတက်မှူ့ အခြေအနေ စောင့်ကြည့်ပြီးဆေးပြန် ကုလိုက်တာ . . ကံအားလျော်စွာ အကျဉ်းသားဆယ်ငါးယောက်စလုံး. . ရောဂါပျောက်ပြီးပြန်လည် ကျန်းမာလာကြပါသတဲ့. .   
ဒါနဲ့ ထောင်ပိုင်က လဲ သူပေးထားတဲ့ ကတိအတိုင်း. .အကျဉ်းသားတွေ ပြန်လည် နာလန်ထ ထူထောင်လာချိန်မှာ အစမ်းသပ်ခံ. အကျဉ်းသားအားလုံးကို တန်းစီခိုင်း.. …ရွဲ့စောင်းပြီး ယိုင်ထိုးထိုးနဲ့တန်းစီ မတ်တပ် ရပ် နေတဲ့ အကျဉ်းသားတွေကို အမဲသားတစ်ဗူး စီးကရက် နှစ်ဗူး ကို တစ်ဦးချင်းလိုက်ဝေပေးပါသတဲ့ .  

အကုန်လုံး လဲ တပြုံးပြုံးနဲ့ သူတို့ ရတဲ့ လက်ဆောင်လေးတွေကိုကြည့်ပြီး ပျော်နေကြချိန် နောက်ဆုံး မိုက်ပေ့ဆိုတဲ့ တန်းစီးအကျဉ်းသားကြီး အလှည့်ရောက်ချိန်မှာတော့. . တန်းစီး လူမိုက်ကြီးက လက်ဖြန့်ပြီး မယူဘဲ လက်ပိုက်ရင်း သူ့ကိုပေးနေတဲ့ လက်ဆောင်ထုပ်ကလေးကိုသာငေးကြည့်နေပါသတဲ့
ဒါနဲ့ ထောင်ပိုင်ကလဲ. … မင်းဘာဖြစ်လို့မယူတာလဲ. .. ငါတို့မှာ ပိုပေးခွင့့်မရှိဘူး. . ဒါဟာ . အားလုံးကိုကြေငြာပြီးသား.မင်းလဲ သဘောတူလို့ လုပ်ခဲ့တာ . မင်းယူစရာရှိတာကိုသာ. . အေးအေးဆေးဆေး ယူလိုက်ပါ၊ ငါတို့ ဘာမှ ထပ်လုပ်မပေးနိူင်ဘူးနော် လို့ ပြောလိုက်တဲ့ အချိန်မှာ

. . 

တန်းစီးလူမိုက်ကြီးက. .. တွေတွေကြီးစိုက်ကြည့်နေရာက . ခေါင်းကို ငြင်းဆန်တဲ့ပုံနဲ့ အသာ ခါလ်ိုက် ပြီး. . စကားခပ်လေးလေးနဲ့ ပြောပါသတဲ့. . . 
မဟုတ်ပါဘူး. . ကျုပ်လဲ မလိုချင်လို့ မဟုတ်ပါဘူး.. . လိုချင်ပါတယ် . ဒါဘဲရမယ်ဆိုတာလဲသိပါတယ်. ..ဒါပေမယ့်. ကျုပ်စဉ်းစားမိတာက တခြားဗျ .. . . . 

.ကျုပ်တစ်သက်မှာ လူ့လောကအတွက် ကောင်းမှူ့ ကုသိုလ် ဆိုလို့ တစ်ခါမှ မလုပ်ခဲ့ဖူးဘူးဗျ. . . ဒီတစ်ခါလေးဘဲ လူ့လောက အတွက် ကောင်းမှူ့လေးလုပ်ဖူးတာကို. . ဒီအမဲသားတစ်ဘူး . စီးကရက် နှစ်ဗူးနဲ့ မလဲ တော့ဘူး ဗျာ. . .

ပြန်ယူသွားကြတော့ ကျုပ် မလိုချင်တော့ဘူး . . 

ဆိုပြီး အပြတ်ပြောချလိုက်ပါသတဲ့ခင်ဗျား
အဖေ ပြောတဲ့ ဝတ္ထု တို လေးကတော့ ဒါပါဘဲ .ဒီဝတ္ထု တို လေးကို ပြော

 ပြီးသွားချိန်မှာ အဖေ အမြဲ ဆက်ပြောလေ့ရှိတာကတော့. .

 (အသံ ကို မြှင့်ပြီး)

ကိုင်း.. လောကကြီးရဲ့ သဘောက ဒီအတိုင်းဘဲ. တခါတရံ. . . အမဲမှောင်ဆုံးဆိုတဲ့ တိမ်တိုက်မှာတောင် ငွေရောင်အနားကွပ်တွေရှိတတ်ပါတယ်. . . 

ငွေစင်ရောင်လှပေ့ဆိုတဲ့ လမင်း ကြီးမှာလဲ အမဲရောင် ရိပ်တွေ ရှိတတ် တဲ့သဘောရှိတယ်ဗျ .. . . ဆိုပြီး သူ့ရဲ့ ဝေဖန်ချက်ကလေးနဲ့ အရသာယူပြီး စကားပြောခြင်းကို အဆုံးသတ် လိုက်လေ့ရှိပါတယ်. . 
အဲ. . . အခု . . . ဒီစာ ဒီ ဝတ္ထု တိုလေးကိုတော့ရေးပြလို့ပြီးပါပြီ. . 

သို့သော် ဒီစာ ကိုရေးနေရင်း

မပြီးနိူင်ဘူးဖြစ်နေတာက ကျွန်တော်ဗျ. .   
အဖေနောက်ဆုံးပြောခဲ့တဲ့ အမဲမှောင်ဆုံးတိမ်တိုက်မှတောင် ငွေရောင် အနားကွပ် တွေရှိတယ် ဆိုတဲ့ အတွေးစကားက ခေါင်းထဲ မှာ စွဲနေပြီး.ယခုလက်ရှိ. မြန်မာ့နိူင်ငံရေးနဲ့ တဖြေးဖြေးခြင်း ဆက်စပ်စဉ်းစားမိလာလို့ပါ  
ပြီးခဲ့တဲ့ တစ်လ လောက်ကစ..အစိုးရအပြောင်းအလဲ ကိုကြည့်ပြီး .. ရင်ထဲ မှာ ကြည်နူးနေ .ဝမ်းသာ နေမိတာ

..အော်. . . . အဖေ ပြောခဲ့သလိုဘဲ. . ငါတို့ နိူင်ငံကြီးရဲ့ အမဲမှောင်ဆုံး တိမ်တိုက်တွေမှာလဲ ငွေရောင်အနားကွပ်ကလေး တွေ ရှိနေကြသကိုး. . တော်ပါသေးရဲ့ဆိုပြီး. . အကြိမ်ကြိမ်.သာဓုခေါ်ရင်း ရင်ထဲမှာ တသိမ့့်သိမ့်.ကြည်နူးနေမိတာ. . . .
ဘယ်ကလာဟုတ်ရမှာတုန်းဗျ. . နှစ်ပတ်ကျော် .သုံးပတ်လောက်ဘဲ ရှိသေး. . နည်း မျိုး စုံကို စ လုပ်ကြတော့တာကိုး .. 
တိုင်းပြည် နုနု ကို အပမှီနေပါတယ်ဆိုပြီး ဘုရားပန်းနဲ့ ရိုက်လို ရိုက်. .

 တစ်လတောင်မပြည့်သေးတဲ့. . အစိုးရလည်ပင်းကို ဖုတ်ဝင်နေသလိုလို၊ အပ မှီနေသလိုလို ဝိုင်းစွပ်စွဲပြီးပရိတ်ကြိုးတွေ အတင်းစွပ် ဆေးကြိမ်လုံးလိုလိုဘာလိုလိုတွေနဲ့ ဝိုင်းထိုးနေကြတာတွေ့ ရတော့မှ    

  . 

 ဟယ်….. . ဒါ. . ဟိုး. အရင်ကတည်းကငါသိခဲ့ဘူးတဲ့ . လက်မဲကြီးပါ့လားလို့ ပြန်သတိထားမိတော့တာကိုး. .. ဆိုးချက်ဗျာ

 

အဖေ သာရှိနေသေး ရင် တော့ အဖေ့ကို ပြောပြချင်သေးတာ. .. 
အဖေ . … အဖေ့ . .အမဲရောင် တိမ်တိုက် ကြီးတွေက လဲ အနားကွပ်မှာ. . . ငွေရောင်လေးတစ်ချက် လက်ကနဲ့ပြပြီး. . အနက်ရောင် အနားကွပ် ကြီးတွေ ပြန်ဖြစ် နေပါပေါ့လား အဖေရဲ့ ဆိုပြီးပြောမိမှာပါ. . 
သူကလဲ . . ငါ့လခီီွး. . စိတ်ပျက်စရာကွာ ဆိုပြီး. …ထ ဆဲမှာ သိပ်သေချာပါတယ်ခင်ဗျား ..
ကျွန်တော်တို့ အတော် ကြိုးစားပြီး တိုင်းပြည်တည် ကြရအုန်းမှာပါခင်ဗျား. . လက်အမဲ ကြီးတွေက . ထုံးသုတ်ပြီး . . လက်အဖြူယောင်ဆောင်ရင်လဲ . . သိအောင်လုပ်ကြရအုန်းမှာပါ. . .. 

ဉာဏ်ကြီးသော . . တိုင်းသူ ပြည်သားများ ကံကောင်းကြပါစေလို့ သာဆုတောင်း လိုက်ပါရစေခင်ဗျား
ဆက်ပါအုန်းမည်

#ဆရာမြိုင်

(ပြီးမှဘဲ edit ပါရစေခင်ဗျား)

ဆရာဦးအောင်သင်း အပိုင်း (၃၇)

ဆရာဦးအောင်သင်း အပိုင်း (၃၇)
အခုတလောနိူင်ငံရေးအပြောင်းအလဲလေးတွေက ရှိလာတော့ လူက စာရေးတဲ့ ဘက်အာရုံ မရောက်နိူင်ဘူးဖြစ်နေတယ်ဗျို့. . 

ခု . .စာကလေးကျော် ခုဆီထမင်း ၊ ဖန်ဆင်း မပေးလို့ စိတ်ဆိုးနေကြတဲ့ သူတွေ တော်တော် များများကလဲ ရှိနေကြတာကိုး . 

ဂျပန်ခေတ် ကကြားဘူးခဲ့တဲ့ရွှေရည်စိမ် လွတ်လပ်ရေးလား၊ ဦးဖိုးချမ်း ဒီမိုကရေစီကြီးများ ဖြစ်နေလေရော့သလား၊ လှည့့်ကွက်တွေထဲ ဝင်နေလေရော့သလား ဘာလားညာလား အတွေးတွေကဝင် ၊ သွေးတွေက တိုး . . ဘယ်နှယ့်လုပ်စာရေးနိူင်မှာတုန်း. .
 ဒီကြားထဲ နိူင်ငံရပ်ခြားကတစ်မျိုး ပြည်တွင်းက တစ်ဖုံ စကားလုံးပြောင်ပြောင်တွေနဲ့ မြောက်ပေးနေတဲ့ တချို့ကဗျာတွေ စာတွေ ကို ဖတ်ရတော့ ရင်က ထိတ်လာတယ်ဗျ. . 

အဖေ့ ရဲ့ ဟောပြောပွဲတွေ ကို အရမ်းနားရည်ဝ ပြီး ကြီးပြင်း လာခဲ့တော့ အလင်္ကာ တွေ ရဲ့ ကြောက်စရာသိပ်ကောင်းခြင်းကို သူများတွေထက်စော ပြီး သတိမူမိတဲ့ အကျင့်ကစွဲနေပါရော. . 
၈၈ မတိုင်ခင်မှာ အဖေ ပြောတဲ့ ရသစာပေ ဂွင်ထဲ မှာ အလင်္ကာ ရဲ့ အန္တရယ်ဆိုတာလေးပါတယ် ဗျ. . 

ဟိုးရှေ့ပိုင်းမှာ ရေးခဲ့ဘူးပေမယ့်. . မသိသေးတဲ့ သူတွေ အတွက် နည်းနည်းလောက်ပြန်ပြောပြပါရစေ. . . ခေတ်သစ်နိူင်ငံရေးအတွက် ကလေးတွေ ပြင်ဆင်ခွင့်ရအောင် နည်းနည်းလောက်ပြန်ပြောပြပါရစေ. . အဖေ့ ရဲ့ စကားပြောဟန်လေးအတိုင်း ပြန်ရေးပြပါ့မယ်
အလင်္ကာ ဆိုတာ ဘာ လဲ. . အလင်္ကာ ဆို တာ .လူတွေ ရဲ့ ရှိပြီးသားအစွဲ တွေ ကို ကိုင်လှူပ် ဖို့ ကျိုးစားတာ ကွ. . . 

ကလေးတစ်ယောက် မွေးလာတယ် . . သူ့ခေါင်းထဲမှာ ဘာအစွဲ မှ မရှိဘူး. . လူ ကြီးတွေ က ရိုက်သွင်းရင်းနဲ့ အစွဲ တွေ ဖြစ်လာတာ ကွ. 

ဟော. . . ကလေး တစ်ယောက် အတွက် မစင် သည် လဲ ပစ္စည်းတစ်မျိုး ထမင်းသည်လဲ ပစ္စည်း တစ်မျိုး၊ ထမင်းသည် စားရတယ် မစင်သည် မစားရဘူး ဘာ မှ မထူးခြားဘူး . . ဒါပေမယ် လူ ကြီးတွေက အဲ့ ဒီ့ ကလေးက မစင် ကို ကိုင်လိုက်တယ် ဆိုပါတော့ . . 
အာမယ်လေး မကိုင်နဲ့ အော့ အော့ တွေ၊ အော့အော့တွေ ဆို ပြီး အော်ကြ ဟစ်ကြ တားကြတော့ မှ. . ကလေးက ဒီ ဟာ ကို ရွံရမယ် ရွံရမယ် ဆိုပြီး. . ရွံစရာ အဖြစ်သတ်မှတ် ကြတော့ တာကိုး. . 
အဲ့ဒီ့အစွဲ က ဘယ်လောက်အထိ ကြီးလာသလဲ ဆိုတော့ . . ကိုယ့်အသက်အရွယ်ရောက်လာလို့ အကြီးပိုင်း ထမင်းစားနေတုန်း မစင် အကြောင်း လာမပြောနဲ့ . ပြောရင်. ထ . ရန်ဖြစ်တဲ့ အဆင့် မျိုးထိဖြစ်ချင် ဖြစ်သွားကြတော့တာကိုး.. ရွံရမယ်ဆိုတဲ့ အစွဲတွေရဲ့ တုန့်ပြန်မှူ့တွေပေါ့
အလင်္ကာ ရဲ့ အန္တာရယ် တဲ့ . ရုတ်တရက်ကြည့်လိုက်ရင်တော့ ဘာမှမဟုတ် ဘူးပေါ့. . . ဒါပေမယ် အလင်္ကာ ကောင်းရင်လူတွေက အသေခံဝံ့ကြ တယ်နော. . 
ဥပမာ. . လူတစ်ယောက် အလုပ်လုပ်ရင်း သေတယ် ဆိုပါစို့.. သာမန် အားဖြင့်ဆို . . သေတယ် အသက်မရှိတော့ဘူး ပေါ့ဗျ.    

အဲ့တာ ကို. …. ကိုဘယ်သူသည် . . ဘယ်နှစ်ရက်နေ့. အလုပ်လုပ်ရင်း ကြွ သွားလေ၏. . ဂန့် သွားလေ၏ . . လို့ရေးကြည့်ပါ့လား.(ရယ်သံများ) . . ခင်ဗျား ကို ဝိုင်းဆဲကြ မှာပေါ့ ဗျ. . . 
ဟော. . . ကိုဘယ်သူ သည် ဘယ်နှစ်ရက်နေ့နိူက် တိုင်းပြည်တာဝန်ကို ထမ်းဆောင်ရင်း. .. အသက်ပေးလှူ သွားလေ၏ . . အဲ. . .အဲ့ ဒီလိုမှ သေ ရတဲ့သူလဲ အသေ ဖြောင့်သလို . နောက်လူ လဲ သေဝံ့တော့မှာပေါ့ဗျ. . .(ရယ်သံများ) ဒါ .အလင်္ကာ ဘဲ. . . 
ကောင်းပြီ အလင်္ကာ ကို ဘယ်မှာ အသုံးအများဆုံးလဲ လို့ ဆန်းစစ် ကြည့်လိုက် ရင် . . . ကောင်လေးတွေ ၊ကောင်မလေးတွေ သေချာနားထောင်.

အလင်္ကာ ကို အသုံးအများ ဆုံး ၂ ခု က နိူင်ငံရေးနဲ့ ရည်းစားစာ ဘဲကွ မှတ်ထား.. 
စဉ်းစားကြည့်ပေါ့ကွ. . ရည်းစားစာ ဘယ်လိုရေးတုန်း. .နှမတော် ငဲ့. . ပရံ ပရ ဘဝ အဆက်ဆက် က ချဖူးသော ပန္နက် ဆို ခဲ့ဘူးသော သစ္စာစကားတို့ ကြောင့် နှမတော်လေး ရဲ့ မျက်နှာတော် ကို စတင် တွေ့ မြင်ချိန်မှ စ၍ မောင်တော့်မှာ . စား၍မှ မဝင် အိပ်၍ မှ မပျော် ရှိပါသောကြောင့် နှမလေးထံ မေတ္တာစာလွှာ ပါးလိုက်ရပေသည်. .

ချစ်လျင် စာပြန် မုန်းလျင် သီးခံ

အောက်က ချစ်သော မောင်မောင် အောင်သင်းတို့ ဘာတို့ ပေါ့ကွာ . .

 နှမလေး ကို ချစ်လိုက်ရ တာ ဇီးဖြူ ဖန်ခါးလို ပါးစပ်ထဲ ငုံထားချင်တာ . . ရှူးပေါက်ချမှာ စိုးလို့တွေ ဘာတွေ ရှောက်ရေးချင်လဲရေး ကြတာပေါ့လေ. .(ရယ်သံများ)
အဲ. . မင်းတို့ခေတ်ကျ တော့ လဲ တစ်မျိုးပေါ့ကွာ. (ယခုခေတ် စကားပြောဟန်ဖြင့်မျက်နှာတည် တည် ၍ ဆက်ပြော)  

ဒို့ ဆီက ဒီစာ ကို တွေ့ လိုက်ရတော့ သူ သိပ်အံဘြ သွားလိမ့်မယ်ထင်တယ်.(ရယ်သံများ) . ဘာညာဘာညာ ပေါ့ ကွာ. . အဆုံးသတ်ကြတော့ မှ သူ့ရဲ့ ဒို့ တွေ ဘာတွေ လုပ်ထည့့်လိုက်တာပေါ့ . ဘာမှန်းလဲမသိဘူး . သူ့ရဲ့ ဒို့ တဲ့… (ရယ်ရင်း) ဟုတ်ဘူးလား. 
အဲ ပြူ. စောထီးခေတ်က ရည်းစားစာဆိုရင်တော့ တမျိုး စဉ်းစားရမှာပေါ့ကွာ
မောင့်ကို ချစ်ရင် ချစ်ပါ မချစ်ရင် ရွာကို မီးနဲ့ရိူ့ရပါလိမ့်မယ်. .(ရယ်သံများ) . .အဲ. . အဲ့တာမျိုးရည်းစားစာကျ တော့ အတော်သတိထားရမှာပေါ့ကွာ. . . ကဲ ထားလိုက်တော့
ရည်းစားစာဘဲ. . အရေးကောင်းရင် ကောင်းသလို ပြောချင်တာတွေ စွတ်တွယ်ကြတာကိုးကွ. . မယုံမရှိနဲ့.အောင်သင်း ကိုယ်တွေ့ . . အောင်သင်းရဲ့ တက္ကသိုလ် သက်တမ်း တလျှောက် လုံး ရည်းစားစာ အငှါး ရေးပြီးလုပ်ကိုင်စားသောက်လာတာ(ရယ်သံများ)
ကောင်းပြီ ကောင်မလေးတွေ. . . ရည်းစားစာ အရေးကောင်းတာနဲ့ ပြန်ကြိုက်ကြရမှာလား. . 

မဟုတ်ဘူးနော်. သတိထား. . တော်ကြာ အောင်သင်းလိုလူတွေ ကို ရေးခိုင်းထားတော့ ဘယ့်နှယ့်လုပ်မတုန်း. တကယ်တန်းက စာရေး ဘယ်လောက်ကောင်းကောင်း. . အလင်္ကာ ကို ဖြုတ်ကြည့် တတ် ရတယ် ဒီကောင် ဘယ်လို ကောင်လဲ ဘယ်လိုလူလဲ.. . အားလပ်ချိန်တွေကို ဘယ်လိုသုံးသလဲ. . တချိန်လုံး မူးရူးနေတဲ့ကောင်လား ဆိုတဲ့ . ပကတိ အမှန် ကို မြင်အောင်ကြည့်တတ် ရတယ်. ရည်းစားစာ အရေးကောင်းတိုင်း ပြန် ကြိုက်စရာ မလိုဘူး. . အလင်္ကာ ကိုဖြုတ်ကြည့်. . နားလည်လား . ကောင်မလေးတွေ
အေး . . ဒါက ရည်းစားစာ ကွ . ဘဝပျက်ရင် လူ တစ်ယောက်လောက်ဘဲ ထိတာကွ နိူင်ငံရေးကြ ဒီလိုမဟုတ်တော့ဘူူး. . လူအသင်းအဖွဲ့လိုက်ကြီး. လူမျိုးစုလိုက်ကြီးနိူင်ငံလိုက်ကြီးပျက်သွားနိုင်တယ်ကွ. . နားလည်လား. . 
မင်းတို့ကိုငါ ငယ်ငယ်က ကြားခဲ့ဘူးတာလေးတွေ ပြောပြမယ်. .

ဥပမာ . . ငါတို့ ငယ်ငယ်က သိပ်စကားပြောကောင်းတဲ့ နိူင်ငံရေးသမားတွေ ရှိတယ် . . ငါမှတ်မိသလောက်ကလေးငါပြန်ပြောပြမယ်. . ဦးနု ဟာငါတွေ့ဖူးသမျှ ထဲ မှာ အင်မတန်စကားပြောကောင်းတယ်ကွ

ဆိုပါတော့ သူ့စကားပြောလေးတစ်ခုကိုပြောပြမယ်. .

(ဦးနုရဲ့လေယူလေသိမ်းဖြစ်တဲ့ စကား ခပ်လေးလေး ကျဲကျဲ နဲ့ ဟိုး. . ဝေးဝေး က လာတဲ့ မိန့်ခွန်းပြောသံမျိုးကို ပြောင်းလိုက်ပါတယ်. ဦးနု၏ မိန့်ခွန်းမဖတ်ဖူးပါ အဖေပြောပြခဲ့သော ဟောပြောပွဲ အတွင်းမှတ်မိခဲ့ခြင်းကို ပြန်လည် ရေးပြခြင်းဖြစ်ပါသည် )
ကျွန်တော် ဟာ. . . ငယ်ငယ် က. . သိပ်ကြောက် တတ် ပါတယ် . ကြောက်တတ် လွန်းလို့ . .မောင်နု မင်းတရားသူကြီးလုပ်မလားလို့မေးတော့ သူများအသက်တွေ သတ် ရမှာ စိုးလို့ မောင်နု တရားသူကြီးမလုပ် ခဲ့ ပါဘူး. . ဒါပေမယ့် အခု လို ကျွန်တော်တို့ တိုင်းပြည်ကြီး ချောက် ထဲ ကျ ဖို့ လက်နှစ်လုံးလောက်အလိုမှာ(အာမယ် လက်နှစ်လုံးတဲ့ . တိုင်းထားတာကျနေတာဘဲ . ရယ်ရင်းပြော) . မောင်နု သတ္တိ မကောင်းလို့ မဖြစ်တော့ဘူး . ဒီအချိန်မျိုးမှာ မောင်နု သတ္တိ မကောင်းရင် နောင်တစ်ချိန် နောင်လာနောက်သားတွေ က မောင်နုတို့အကြောင်းတွေကို ခွေးရေ ပုရပိုဒ် နဲ့ မှတ် တမ်း တင်ကြ လိမ့်မယ်(သူ့မူရင်းသံ သဘောကျတဲ့ ပုံလုပ်ပြီး). . ဟာ. . ငါတို့ မှာ သဘောကျလိုက်တာ ဆိုတာ ဟော့သလို လက်ခုပ်တွေတီး . ရွှီး ဖြောင်းဖြောင်းလုပ် . . . ပေါ့ကွာ… 
ကဲ . စဉ်းစားကြရအောင်. . ဒါတွေဟာ .တကယ်လား. . မဟုတ်ဘူး . အလင်္ကာ တွေကွ. . အလင်္ကာတွေ..   

နောက်တစ်ခု ရှိသေးတယ် ငါလဲ မှတ်မိတာတွေ စွတ်ပြောနေတာကွာ. (ရယ်ရင်းပြော)
ကွန်ြုမူနစ်တွေ ကို ပြန်တိုက်ခါနီးမှာ ဘယ်လိုပြောလဲ သိလား. . နားထောင်ကြည့် (ဦးနုအသံ)

ကွန်မြူနစ်တွေက ကျွန်တော် တို့ ကို သေနတ် နဲ့ တစ်ချက်ပစ်ရင်. . ကျုပ်တို့ က . အချက် နှစ်ရာသုံးရာ ပြန်မပစ်ရင်တောင်မှ. (ခဏနားပြီး) တစ်ချက်တော့ ပြန်ပစ်ရမှာဘဲ… 

ဟော. . သတိထားကြည့် ကွန်မြူနစ်တွေ တစ်ချက်ပစ်ရင် ကျုပ်တို့ တစ်ချက်ပစ်မယ် လို့ ပြော လိုက်ရင် လက်စားချေ တဲ့ သဘောဖြစ်မမနေဘူးလား. . အဲ့ဒီ့တော့ . . ဘယ်လိုပြောလဲ. . အချက်နှစ်ရာ သုံးရာပြန်ပစ် နိူင်တယ် ဆိုပြီး ကိန်းဂဏန်းကို အဝေးကြီးပြောပြ . ပစ်နိူင်ကြောင်းပြောပြပြီးမှ. . တချက်တော့ ပြန်ပစ်ရမှာဘဲ ဆိုပြီး ပြောချလိုက်တော့ . . နားထောင်နေတဲ့ သူတွေ စိတ်ထဲ ဘယ်လို ဖြစ်သွားလဲ. . . ဒါပေါ့ . ဟုတ်တာပေါ့. . တစ်ချက်တော့ပြန်ပစ် ရမှာပေါ့ဆိုပြီး . . ခွင့်လွှတ်ပေးရတဲ့ သဘောမျိုး နဲ့ လက်ခံပေးလိုက်ကြရတာမို့လား… 
ဒါတောင်ကွန်မြူနစ်တွေရဲ့ စည်းရုံးတဲ့စကားတွေ သွေးဆူစေတဲ့ ဟောပြောပွဲတွေ သေရဲတယ်သတ်ရဲတယ်ဆိုတာတွေ ငါမပြောရသေးဘူး. . 
ကြပ်ကြပ် သတိထားပါ(ငေါက်သံနဲ့ဆက်ပြော) ကောင်လေးတွေ ကောင်မလေးတွေ. (. ဒါနိူင်ငံရေး. .နားလည်လား. အလင်္ကာ တွေချည်းဘဲ… သိပ်သတိထားရမယ်.

အလင်္ကာ ကောင်းတိုင်း. အများယောင်လို့ လိုက်မယောင်နဲ့. အလင်္ကာ ဖြုတ်ကြည့် ပကတိကိုကြည့်တတ်ရတယ်. . မဖြုတ်တတ် ရင် အသက်ပါသွားမယ် .နားလည်လား. 

(သူ့ရဲ့ စိုးရိမ်စိတ် နဲ့ ကလေးတွေကို ငေါက်ပြီးဆုံးမခဲ့တဲ့ အသံတွေပါ . အင်မတန်လွမ်းစရာကောင်းလှပါတယ်)
အခုလိုနိူင်ငံရေးစပ်ကူးမတ်ကူးကာလမှာ. အဖေပြောခဲ့တဲ့ စကားသံတွေကိုပြန်ကြားယောင်လာမိတာအမှန်ပါ. . 

ကလေးတွေ ကျောင်းသားငယ်တွေ ရဲ့. .သတ္တိ အကောင်းဆုံး စိတ်ဓာတ်အပြင်းထန်ဆုံးအချိန်တွေမှာ. ဘီယာလေးသောက်ပြီး စကားလုံးတွေ အလင်္ကာတွေနဲ့ မြောက်ပေး၊ ကဗျာတွေနဲ့ရေးပြီးမြောက်ပေးနေတဲ့သူတွေကိုမြင်ရတော့ အင်မတန် စိတ်ပျက်၊ စိတ်ဆိုးမိပါတယ်. .အနားမှာရှိရင်လဲထဆဲမိမှာသေချာပါတယ် 
ခွပ်ဒေါင်းတွေ သွေးမြေ ကျ ရင်လဲ . ဆက်လျှောက်လိုက်စမ်းပါ. . ကျောင်းသားတွေရဲ့ စွမ်းရည်ကိုပြလိုက်စမ်းပါ ခွပ်ဒေါင်းတွေရဲ့ သွေး ဘယ်လောက်နီတယ် ဆိုတာပြလိုက်စမ်းပါဆိုပြီး ရေးတဲ့သူက . အမေရိကားကနေ ဘီယာလေးသောက်ရင်းကဗျာရေးနေတာဗျ. .
. ငါတို့ ကျောင်းသားတွေသွေးမြေကျ ရင် မီးဟုန်းဟုန်းတောက်စေရမယ်ဆိုပြီး ကဗျာရေးတဲ့ သူက မြေကြီးမှာ မီးတောက်မတောက်တော့သူမသိဘူး သူ့စတေးတပ် လူဘယ်နှစ်ယောက်share လဲဆိုတာကြည့်ပြီးပျော်နေတဲ့ကောင်တွေဗျ. . 
ကျောင်းသားတွေ အရိုက်ခံရတဲ့ အချိန်မှာ ဒီလိုကောင်မျိုးမပါဘူး အဲ့ဒီ့ မြောက်ပေးနေတဲ့ အချိန်က ရွေးကောက်ပွဲ သမာသမတ် ရှိစေရပါမယ်ဆိုပြီးလေးလ ဘဲ လိုတော့တဲ့ အချိန်ဗျ. အမုန်းပွားမစိုးလို့ ကျွန်တော်လက်ရှောင်နေခဲ့တာပါ…ဒါတောင်

ပြီးခဲ့တဲ့ နှစ်ထဲမှာ ကျွန်တော်အမုန်းခံပြီးစတေးတပ်တစ်ခု တင်လိုက်ပါသေးတယ်. . 

တချို့လဲကြိုက်ပြီး တချို့လဲ အင်မတန် မုန်းကြတယ်ပေါ့ဗျာ . .
ကျွန်တော့ အတွက်တော့ ဒီကျောင်းသားအရွယ်ကလေးတွေဟာ ညီငယ် ညီမငယ်တွေဘဲ. .ကမ္ဘာ ကြီးကို ကျွန်တော်တို့ရွှေ့နိူင်တယ်ထင်လို့ ကျွန်တော်တို့ ကိုယ်တိုင် အမှားကြီးမှားခဲ့တဲ့လမ်းကို သူတို့ကို ဆက်မလျှောက်မိစေရဘူး. .အမုန်းခံ သတိပေးရမှာဘဲ. . ဒီအတွက်လိပ်ပြာသန့်တယ်.. .အခုလို တစ်နှစ်နီးပါး ဘဝတက္ကသိုလ်ထဲ ရောက်သွားတော့ အားလုံးရင်နာရုံက လွဲပီး ဘာမှ မဖြစ်နိူင်တော့ဘူး

ကျွန်တော်ကလေးတွေကိုသတိပေးခဲ့တဲ့ စတေးတပ်ကလေးကိုသတိရလို့ ပြန်ထည့်ပေးလိုက်ပါတယ်. .
{အခု နိူင်ငံရေး လား ကျောင်းသားရေးလား ဘာမှန်း မသိဘူး လုပ်နေတဲ့ ကလေး တွေ ကို သတိ တော့ပေးချင်တယ်. . အခု အချိန်ဟာ တိုင်းပြည် အပြောင်းအလဲ အတွက် သိပ် အရေးပါနေ တဲ့ အချိန် ဆိုတာ နည်းနည်းတော့ သတိလေး ဘာလေး ထား ကြ အုံး ကိုယ့်ညီတို့. . ကိုယ့်ကို အာရုံစိုက်စေချင်တာနဲ့ . . ဘွားတော် နားရွက် သွား ပြီး တံတွေး ဆွတ်တာတို့ ဘာတို့ က ဆိုး လှ သကွယ်. . . . တတိုင်းပြည်လုံး အုံ ကြွ အောင် လုပ်ပစ်လိုက်မယ် တို့ ဘာတို့ ဆို တာ ပြောတာ တော့ နားထောင် လို့ ကောင်းပါ တယ်..ဒါပေမယ့် . အလကားနေရင်း တော် လှန်ရေး လုပ်ချင်နေ တာ မျိုး ကတော့ သိပ် မဟုတ်သေးဘူးကွာ. . . ခေတ်တွေလဲ ပြောင်းနေ ပြီ. . အခု အချိန် က စားပွဲ ပေါ် မှာ. . တရားဝင် ရင်ဆိုင်ပြီး စကားပြော ရမယ့် အချိန် ရောက်နေ ပြီ မဟုတ်လား . တိုင်းပြည် ပြောင်းလဲ လာလို့ ငါ့ ညီ တို့တောင် တရားဝင် ပုံစံ နဲ့ အစည်းအဝေးတွေ ဘာတွေ လုပ်နေ ကြ ပြီ မဟုတ်လား. .တရားဝင် အော်ခွင့် တောင် ရှိ လာ ကြ တယ် လေ . လက်ပတန်း မှာ ကျောင်း သားတစ်ယောက် မှ မသေ ခဲ့ ဘူး လေ.(ဒီအစိုးရ ကောင်းတယ်လို့ ပြောနေ တာ မဟုတ် ဘူးနော် . ပြောင်းလဲလာခြင်းကိုပြောတာ) ..အရင်လိုသာဆို ခက်. . ခက်ရချချေရဲ့ ကျောင်းသားအလောင်းတွေ ထပ် ပြီး . . ကိုယ့် သားသမီး သေလို့သေမှန်းမသိ. . အလောင်းတောင် ပြန်မရ. . ဘယ်လိုက်လို့ လိုက်ရမှန်း မသိ. . ရေကြည်အိုင် လိုလို. . . အင်းစိန် လိုလို နဲ့. . . မိဘ နဲ့ သားသမီးတွေ သေကွဲ လိုလို ရှင်ကွဲ လိုလို တွေ. . ကိုယ့် ညီတို့ သိထားရမှာက တိုင်းပြည်ကို ၈၈ လို ပြန် ဖြစ် စရာ မလို တော့ ဘူး. ပြန်ဖြစ်လို့ မရတော့ဘူး. မဖြစ်အောင် သတိထား ပြီးအချင်းချင်း ထိန်းရမယ့် အချိန် ဆို တာကို နည်းနည်းတော့ သတိ ချပ်စေချင် တယ်.. . တိုင်းပြည်လဲ စုတ်ပြတ်နေပြီ . ငါ့ညီတို့ တောခို ချင်ရင်တောင် . . ခိုစရာတော မရှိတော့ ဘူးဆိုတာ သတိလေး ဘာလေး ထားအုံး. . စိတ်တော့ မဆိုးကြနဲ့ . ရွေးကောက်ပွဲ နီး ကာ မှ ကပ်ပြီး . . ထအော်နေတဲ့ ငါ့ ညီ တို့ ကို ပါ နည်းနည်း သံသယ ဝင် လာတယ်. . တကယ်ပြောတာနော် . . ရွေးကောက်ပွဲ ပြီး မှ ကျောင်းသားအရေး တောင်းဆိုလဲ အချိန်မနှောင်းသေး ပါဘူးကွာ. .နှစ်ပေါင်းများစွာ စောင့်ခဲ့ ပြီးမှ ၅ လလောက် ထပ်စောင့် ရတာ ဘာမှ ဖြစ်မသွား ပါဘူး. . အရမ်း သမိုင်း ဝင်ချင်နေတာ မျိုး ဆို ရင်တော့ . လောလောဆည်. သမိုင်း စာ အုပ် ထဲ မှာ . ကိုယ့် နာမည် သွား ရေး စေ ချင် ပါတယ်. အကြံပေးတာပါ. . ခဏ စောင့် ကြ ပါ ငါ့ ညီ တို့ ရေ. . အခု အထဲ မှာ ရောက် နေတဲ့ ကလေးတွေ အတွက် စိတ် ဆင်းရဲ ပြီး ဇာတ်နာ နေရ တာ က မပြီး သေးဘူးကွာ. . . နောက်ထပ် ဇာတ်လမ်းတစ်မျိုး မကြားပါရစေနဲ့ အုံး. . တောင်းပန်တာပါ. . ဘာမှ မဖြစ် ရင် ဘာမှ မဖြစ် ပါ ဘူး . . တစ်ခုခု ဖြစ် သွား ရင် ငါတို့ လဲ ရင်နာ ရမှာ မို့ ပါ. . . 

အခု အချိန်မှာ ရွေးကောက်ပွဲ သမာသမတ် ရှိ တယ် မရှိ ဘူးဆိုတာ ကို စောင့် ကြည့်နေရမယ့် အချိန်ပါ. . အခြား အာရုံ ထွေပြားမူ့တွေ ကို မလုပ်စေချင်ပါဘူး. . ကိုယ့် ညီတို့ နားလည်လောက်မယ် ထင်ပါရဲ့
ဒီစာ ကိုရေးရင်းနဲ့ ထောင်နံ ရံ တွေ မှာ ရေး ထားတတ်တဲ့ စာတန်း လေးတစ်ခု ကို သွား သတိ ရတယ်. . 
ကိုယ်ဖြစ် ကိုယ် ခံ ဘုရားထံ ဆု မပန် နဲ့. . ငါ. .ဘုရား အချဉ် မဟုတ်. . တဲ့

ဆရာမြိုင်]
ဒါ ကျွန်တော်ရေးထားခဲ့တဲ့စတေးတပ်ပါ. .တချို့က လဲ ကျွန်တော့ကို သွေးကြောင်သူ သတ္တိ နည်းသူလို့ သမုတ်ကြပါတယ်. . ငါတို့တော်လှန်ရေးကိုပျက်ရယ်ပြုနေသူဆိုပြီး အတော် အဆဲခံလိုက်ရပါသေးတယ် 
အခုလို နိူင်ငံရေးအခြေအနေတွေကလဲ . . ယိုင်ထိုးယိုင်ထိုး နဲ့ စိတ်မချ ရတဲ့ အချိန် မှာ တိုင်းပြည်ရဲ့ အနာဂတ် ကျောင်းသား ကလေးငယ်များရဲ့ ရပ်တည်မှူ့ လှူပ်ရှားမှူ့နဲ့ခွန်အားဟာ အင်မတန် အရေးကြီးလှပါတယ်. .
 မလိုအပ်တဲ့ အားစိုက်ထုတ်မှူ့တွေ . မလိုအပ်တဲ့ တော်လှန်ရေး တွေဟာ ခုချိန်မှာ အပြုထက် အပျက်ဘက်ကိုရောက်သွားနိူင်တယ် ရောက်သွားခဲ့တယ် ဆိုရင် နှစ်ပေါင်းများစွာ ပေးဆပ်ခဲ့ကြပြီးမျှော်လင့်နေခဲ့ကြရတဲ့ တိုင်းပြည်ရဲ့ အနာဂတ် လမ်းဟာပြန်ပြီး ပျောက်ဆုံးသွားမှာပါဘဲ.   
ဒါကြောင့် ကျွန်တော့ ညီငယ် ညီမငယ်များ . ကို အထူးမှာကြားလိုတာက. . ဆရာဦးအောင်သင်း ပြောခဲ့တဲ့ စကားလေးဟာ အင်မတန် တန်ဖိုးရှိလှပါတယ်.သတိပြုမိကြပါစေ . လိုက်နာကျင့်ကြံနိူင်ကြပါစေ .

 ပင်ကိုဉာဏ်ကိုသုံးရင်း. . ပကတိအခြေ နေတွေကို မြင်ရအောင် အလင်္ကာ တွေကို ဖြုတ်ကြည့်နိူင်ကြပါစေလို့. ဆုတောင်းရင်း ကျွန်တော့ရဲ့ ညီငယ် ညီမငယ်များကို စကားလက်ဆောင်ပါး သတိပေးနိူးဆော် လိုက်ပါရစေခင်ဗျား. . 
အကယ်၍တစုံတယောက်က တိုင်းပြည်အနာဂတ်က ဘာဖြစ်မလဲ ခင်ဗျားကရော ဘယ်လောက်သိလို့ ဆရာကြီးလာလုပ်နေတာ လဲ လို့ ခုချိန်မေးလာရင်တော့. .. 
 ဟုတ်ကဲ့ ဘာဖြစ်မယ်မှန်းကို မသိပါဘူး ခင်ဗျား လို့ ဘဲ အဖြေပေးလိုက်ပါရစေ. .  

လောလောဆယ်တော့ ကျွန်တော်တစ်ဦးထဲ စကားလုံးတွေ အလင်္ကာ တွေ ကို ဖြုတ်ကြည့် ပြီး ပကတိ အခြေနေမှန်ကို စူးစမ်းစောင့်ကြည့်ရင်း ငြိမ်ငြိမ်လေးနေ နေပါတယ်လို့ဘဲ ဖြေလိုက်ပါရစေခင်ဗျား . 
ဆက်ပါအုန်းမည်

ဆရာမြိုင်

(ပြီးမှ အက်ဒစ်ပါရစေ)

ပန်းပန်လျက်ပါပဲ

ညိုပြာပြာ လတာပြင့် ခြေရင်း။

လှိုင်းတက်ရ ဗေဒါတက်၊ လှိုင်းသက်ရာဆင်း။
ဆင်းရလည်း မသက်သာ။

အုန်းလက်ကြွေရေပေါလော၊ မျောစုန်လို့လာ။

အဆင်းနဲ့ အလာ၊ ဗေဒါ အထွေး။

အုန်းလက်ကြွေသူ့နံဘေး၊ ဆောင့်ခဲ့ရသေး။
ဆောင့်ခဲ့လည်း မသက်သာ။

နောက်တစ်ချီ ဒီတစ်လုံးက၊ ဖုံးလိုက်ပြန်ပါ။

မြုပ်လေပေါ့ ပေါ်မလာ၊ မဗေဒါ အလှ။

တစ်လံကွာ လှိုင်းအကြွေ၊ ပေါ်လိုက်ပြန်ရ။
ပေါ်ပြန်လည်း မသက်သာ။

ချောင်းအဆွယ် မြောင်းငယ်ထဲက

ဘဲထွက်လို့လာ။
ဘဲအုပ်မှာ တစ်ရာ နှစ်ရာ

ဗေဒါက တစ်ပင်ထဲ (တည်း)။

အယက် အကန်ခံလို့

ဗေဒါပျံ အံကိုခဲ၊ ပန်းပန်လျက်ပဲ။
ဇော်ဂျီ

တက္ကသိုလ် အိုးဝေမဂ္ဂဇင်း ၁၉၆၀